Passa 5,7 milliuns entradas han ils kinos en Svizra pudì registrar l'emprim mez onn dal 2023. Quai èn radund 25% dapli che durant la medema perioda da l'onn passà, sco l'Uffizi federal da statistica communitgescha.
La purschida da films saja sa diminuida levamain. 221 films èn vegnids purtads en il kino ils emprims sis mais da l'onn current. En il medem temp dal 2022 eran quai anc 238 films. Il dumber pli aut d'entradas mussia perquai, che la glieud saja puspè turnada en il kino suenter la pandemia da corona, scriva l'Uffizi federal da statistica.
Cumpareglià cun il temp avant la pandemia, è il dumber d'entradas en ils kinos svizzers dentant vinavant per 13% pli bass.
Or da l'archiv:
Grond interess per films indigens
Il film svizzer ha entant grond success. Cun 400'000 entradas s'hajan quellas dapli che sa dublegiadas. Il bun resultat saja d'attribuir principalmain a plirs films che hajan attratg in zunt grond publicum – sco «Die Nachbarn von Oben» e «Der Bestatter – der Film».
Or da l'archiv:
