Siglir tar il cuntegn

Header

Purtret da duas dunnas a la cassa, omaduas portan mascras da protecziun.
Legenda: Keystone
cuntegn

Be 100 persunas en clubs Quatter chantuns han decidì mesiras pli strictas

Ils chantuns Basilea Citad, Basilea Champagna, Argovia e Soloturn han decidì mesiras pli strictas encunter il coronavirus. Tranter auter duai la limita da persunas per clubs vegnir sbassada da 300 sin 100 persunas.

La limita da 100 persunas vala er per restaurants ed occurrenzas sche las mesiras da protecziun na pon betg vegnir tegnidas en ed i na dat nagin obligatori da mascras. Ils dus chantuns da Basilea, il Soloturn e l'Argovia han tratg questa decisiun per tegnair sut controlla las infecziuns en la regiun, hai num en ina communicaziun. Las restricziuns valan davent da damaun enfin la fin da quest onn.

Gia l'emna passada aveva il chantun Tessin decis ina limita da 100 persunas per clubs ed in maximum da 30 persunas per demonstraziuns. Mesiras pli strictas enconuschan er il chantun Vad ed il Giura. Là vala in obligatori da trair en mascras en stizuns e butias.

RTR novitads 17:00

Artitgels legids il pli savens

Scrollar a sanestra Scrollar a dretga