Gia il 2021 è l'economia svizra sa revegnida da la pandemia. Ed ils exports èn, sch'ins cumpensescha per la chareschia, restads quasi medem auts (+0,1%). Medem vesi or tar ils imports.
Nominal èn ils exports creschids per 16,8%, pli fitg che l'import. Quai era da spetgar perquai che la chareschia en l'exteriur è pli auta ch'en Svizra. Uschia sa sminuescha il surpli commerzial da la Svizra sin 43,5 milliardas francs.
Las cifras da l'Uffizi federal da la duana e da la segirezza dals cunfins mussan plinavant:
- La branscha farmaceutica na po betg cuntinuar cun lur fatschentas excepziunalmain bunas durant la pandemia, ed han exportà damain medicaments.
- En tuttas regiuns da commerzi impurtantas (UE, America dal Nord e l'Asia) ha la Svizra pudì exportar dapli (nominal). En la Russia hai dentant dà pli pauc exports, e bler pli paucs imports (in minus da bunamain 50%).
- Energia da l'exteriur han ins cumprà en durant il 2022 per 12,4 milliardas francs (dubel uschè bler sco 2021). Real han ins importà in zic pli pauc (-1.4%).
