L’armistizi en la Strivla da Gaza pussibilitescha d’augmentar l’agid umanitar. Per millis da persunas è quai existenzial. En vista als basegns enorms dumonda la Chadaina da Fortuna per vossa solidaritad. La situaziun resta critica malgrà la speranza d’ina pasch durabla.
Durant il di da solidaritad èn vegnids rimnads 4'502'936 francs.
Campagna da solidaritad da la Chadaina da Fortuna
La Chadaina da Fortuna gida la populaziun civila en Gaza. Ensemen cun la SRG SSR vegn rimnà donaziuns per gidar. Tschientmillis persunas èn dependentas d’agid. Mintga donaziun gida da salvar vitas e da dar perspectivas.
Impressiuns dal di da solidaritad
-
Bild 1 von 8. Il cusseglier guvernativ Peter Peyer en l'intervista. Bildquelle: RTR.
-
Bild 2 von 8. Mattiu Defuns prenda encunter donaziuns. Bildquelle: RTR.
-
Bild 3 von 8. Claudia Cathomen en l'intervista. Bildquelle: RTR.
-
Bild 4 von 8. Elias Tsoutsaios, Livio Chistell e Marcus Petendi. Bildquelle: RTR.
-
Bild 5 von 8. Il moderatur da radio Sergio Guetg e Marcus Petendi ed Elias Tsoutsaios dals «dus da nus». Bildquelle: RTR.
-
Bild 6 von 8. Il cusseglier guvernativ Jon Domenic Parolini ed il cusseglier naziunal Martin Candinas. Bildquelle: RTR.
-
Bild 7 von 8. Gian Carlo Candinas, Nora Saratz Cazin e Prisca Bundi. Bildquelle: RTR.
-
Bild 8 von 8. Nora Saratz Cazin, presidenta communala da Puntraschigna e deputada en il Cussegl grond. Bildquelle: RTR.
Agid a curta vista
Cun sustegn d'organisaziuns partenarias survegn la populaziun pertutgada en emprima lingia sustegn a curta vista. I vegn mess a disposiziun:
- mangiativas ed aua
- medicaments ed artitgels d'igiena
- alloschis provisorics
- servetschs medicinals en clinicas mobilas ed accumpagnament psico-social per uffants e famiglias traumatisadas
- agid finanzial per cumpras localas
Insatge che ma stat a cor è era il sustegn psicosocial per che uffants che vivan dapi dus onns en questa catastrofa umanitara possian elavurar lur traumas.
Agid a lunga vista
Sche las donaziuns lubeschan vegn era investì en la reconstrucziun d'edifizis medicinals e dal provediment d'aua – sco era da scolas e chasas d'abitar.
Agid enfin uss
Dapi il 2023 ha la Chadaina da fortuna rimnà passa 9 milliuns francs. Cun quai èn vegnids sustegnids 18 projects umanitars en la Strivla da Gaza e 3 projects en il Libanon. Organisaziuns partenarias da la Chadaina da Fortuna èn tranter auter:
- Terre des hommes
- HEKS
- Frieda
- Médecins du Monde Suisse
Nus na sustegnain betg x-ina organisaziun, mabain mo talas, nua che nus pudain esser segirs ch'ils daners arrivan al dretg lieu. Avant examinain nus cun quità, sch'igl èn organisaziuns fidadas che han er la capacitad da prestar agid en tals lieus difficils.