La Chadaina da Fortuna ha entant impundì 40% da las donaziuns ch'ella aveva rimnà per las unfrendas dals terratrembels en Tirchia e la Siria. Ils daners sajan vegnids dabun a 19 projects umanitars d'organisaziuns partenarias.
Quai tranter auter per mettar a disposiziun aua da baiver netta per mangiativas, artichels d'igiena u er per alloschis. Ils proxims mais vegnia mess il focus sin refar il provediment d'aua da baiver e l'allontament dal rument. Tut en tut veva la Chadaina da Fortuna rimnà passa 32 milliuns francs suenter ils terratrembels. En consequenza da quels eran mortas passa 50'000 persunas.