Dretg da vuschar cun 16 onns
Berna: Dretg da vuschar cun 16 onns
-
GEA
128'630 Vuschs
-
NA
263'401 Vuschs
La midada da la Constituziun chantunala avess muntà che giuvenils avessan gia dastgà vuschar a partir da 16 onns. Il dretg da votar passiv, pia da vegnir elegì fiss dentant restà tar 18 onns. Quai è er stà in dals gronds puncts da critica envers questa proposta. Oravant tut la Partida populara e la Partida liberaldemocratica eran encunter. Quai malgrà che la Giuvna PLD era persuenter.
Grischun vul er sbassar vegliadetgna
Il Cussegl grond ha incumbensà il zercladur da quest onn la regenza d'elavurar ina proposta pertutgant la vegliadetgna da votar 16. Gia avant trais onns aveva la sessiun da giuventetgna fatg ina petiziun per pudair votar gia cun 16 onns en il Grischun. La petiziun n'ha però purtà nagut.
Il pievel da Turitg ha il matg refusà ina proposta da sbassar la vegliadetgna da votar sin 16 onns. Uschia che giuvenils da 16 onns dastgan be votar en il chantun Glaruna.
Er tema en Svizra
Era naziunal datti stentas da midar quai. Ina proposta da la Cumissiun d'instituziuns politicas dal Cussegl naziunal è en consultaziun fin mez december.