Siglir tar il cuntegn

Header

cuntegn

Chanzlia federala Iniziativa che vul scumandar reclama da tabac è reussida

L’iniziativa dal pievel «Uffants e giuvenils senza reclama da tubac» è reussida uffizialmain. Bunamain tut las 110’000 suttascripziuns inoltradas sajan valablas. Quai ha communitgà la chanzlia federala. Cura ch'il pievel dastga votar davart l'iniziativa n'è anc betg cler.

L’iniziativa vul scumandar tut la reclama da products da tubac che pudess cuntanscher uffants u giuvenils. Concret vegniss scumandada reclama per cigarettas sin placats. L’iniziativa è vegnida lantschada da bleras organisaziuns dal sectur da sanadad.

Vent da davos dal Cussegl dals chantuns

Dacurt han ils iniziants survegnì sustegn dal Cussegl dals chantuns. Quel ha deliberà durant la sessiun d'atun ina lescha che duai restrenscher la reclama da products da tubac en l'internet ed en gasettas e magazins.

Per il mument datti be in scumond da reclama en la televisiun ed en il radio. Vinavant è reclama da tubac aposta per giuvenils ed uffants scumandada.

RR novitads 16:00