Siglir tar il cuntegn

Header

cuntegn

Chauma pussivla l'october Pilots e pilotas da la Swiss refusan offerta per GAV

En la dispita per in nov contract da lavur collectiv han ils pilots da la Swiss refusà ina nov'offerta da la societad aviatica. Tenor ina communicaziun da la Swiss cuntegnia quella meglieraziuns da total passa 60 milliuns francs, cumpareglià cun lur ultima offerta per in contract da lavur collectiv. Dapi il 1. d'avrigl sgolan ils pilots senza contract da lavur collectiv.

Chauma pussaivla l'october

Per ils pilots e las pilotas è l'offerta nova insuffizienta. Il sindicat dals pilots Aeropers ha tenor la Swiss pretendì da meglierar l'offerta per dapli che 200 milliuns francs. Il sindicat scriva en sia communicaziun che la Swiss n'haja betg resguardà suffizientamain ils interess giustifitgads da lur pilotas e pilots. Ussa smanatschan els da far chauma. Sch'i na dettia betg ina meglra offerta, saja pussaivel ch'els fetschian chauma ils 17 d'october.
Er ils pilots e las pilotas da la societad possesura da la Swiss, la Lufthansa da la Germania, avevan gia fatg chauma questa stad per meglras cundiziuns da lavur.

La societad aviatica Swiss ha communitgà ch'ella saja pronta per ulteriuras tractativas per in nov contract da lavur collectiv.

audio
Per tadlar: Las novitads da las 16:00
ord RTR Audio dals 16.09.2022.
laschar ir. Durada: 3 minutas 27 Secundas.

RTR novitads 15:00

Artitgels legids il pli savens

Scrollar a sanestra Scrollar a dretga