Coronavirus en il Tessin - Igl ha tutgà mintga 10avla persuna - Novitads

Coronavirus en il Tessin Igl ha tutgà mintga 10avla persuna

En il Tessin è mintga dieschavla persuna vegnida en contact cun il coronavirus. Quai resulta dad in studi dal chantun e da la societad da medis tessinaisa, rapporta l'agentura da novitads Keystone-SDA. Il studi sa basa sin emprovas fatgas il matg cun in test d'anticorpuls cunter Covid-19.

Autur: SDA / Isabelle Jaeger

Ils tests, ch'eran vegnids fatgs tar 927 persunas, hajan mussà, che 10% da questas persunas hajan gì contact cun il coronavirus – e perquai anticorpuls en il sang. I n'haja betg dà differenzas pli grondas tranter umens u dunnas pertutgadas.

Il studi en il Tessin vegn cuntinuà cun ulteriurs tests l'avust, il november e suenter durant il matg 2021.

En il Tessin eran s'infectadas 3'351 persunas. 350 persunas sajan mortas en il Tessin en connex cun il coronavirus, scriva la SDA. Pli ferm ch'il Tessin ha la pandemia tutgà en Svizra be anc il chantun Vad.