Hans Hess, il president da l'uniun da l'industria da maschinas e metal, Swissmem, ha crititgà massivamain l'agir isolà da la regenza tessinaisa.
In cumplet shutdown sco en il Tessin n'è betg en l'interess dals burgais. I vegn a dar problems tar il provediment da las Svizras e dals Svizzers.
Il Tessin ha numnadamain decidì che tut ils manaschis che n'èn betg activs en branschas da mangiativas u da medischina ston definitiv terminar da lavurar. Quai munta che plazzals e manaschis industrials ston serrar. Ils manaschis che na pon betg immediat terminar la producziun dastgan sulet exequir las lavurs las pli impurtants per serrar ils manaschis. Questa decisiun tutga cunzunt l'industria e là il pli fitg ils cunfinaris che na pon betg pli vegnir a lavurar pli.
Latiers scumonda il Tessin a persunas pli veglias e periclitadas dad ir sezzas a cumprar en.
RTR novitads 14:00
