Siglir tar il cuntegn

Header

cuntegn

Cryptoleaks Delegaziun da gestiun dal parlament pretenda examinaziuns

Las renfatschas da spiunascha en connex cun la firma svizra Crypto AG duain vegnir examinadas immediat. Quai ha il president da la Delegaziun da gestiun dal parlament, Alfred Heer da la PPS, ditg en l'emissiun Rundschau da SRF. I saja necessari da far audiziuns cun anteriurs cussegliers federals, persunas dal servetsch da spiunadi e da l'administraziun. La Delegaziun da gestiun, curt GPDel, ha la surveglianza suprema dals servetschs da spiunadi svizzers.

Sco Heer ha ditg vinavant en la Rundschau, vegnia el anc oz gievgia a chaschun da la sesida da la GPDel a far la dumonda dad instradar per immediat in'examinaziun.

video
Heer: «Igl è nossa obligaziun dad examinar il cas»
Or da Rundschau dals 12.02.2020.
laschar ir

PS pretenda ina PUK

Dasper Balthasar Glättli dals Verds pretenda uss er la Partida socialdemocratica ina PUK – pia ina cumissiun d'inquisiziun parlamentara.

Ina PUK ha las medemas cumpetenzas sco in'examinaziun da la GPDel, avess dentant politicamain ina basa pli vasta. Ultra da quai pudess ina PUK engaschar in'incumbensà per rimnar ils mussaments. I cuzzass dentant pli ditg, fin ch'ina PUK pudess prender si la lavur. Il Cussegl naziunal ed il Cussegl dals chantuns stuessan numnadamain approvar l'installaziun d'ina PUK. Ina examinaziun da la GPDel pudess percunter cumenzar gia oz.

video
Cryptoleaks: Dovri ina PUK?
Or da Tagesschau dals 12.02.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga