La notg sin gievgia ha in guardiaselvaschina sajettà in luf en il chantun Berna. La lubientscha da sajettar quest luf é avant maun. Igl inspecturat da chatscha va da quai anora ch'i sa tracta dal luf ch’è responsabel per plirs stgarps en la regiun da Schwarzenburg.
Tranter ils 21 d’october ed ils 24 da december 2022 èn vegnidas stgarpadas en las vischnancas da Schwarzenburg, Rüschegg, Zimmerwald, Rüeggisberg e Niedermuhlern totalmain 22 nursas d’in luf, quai ha communitgà la Direcziun d’economia, d’energia e da l’ambient bernaisa.
