Siglir tar il cuntegn

Header

cuntegn

Cussegl federal 2,2 milliardas francs en 4 onns per protecziun da l'ambient

Il Cussegl federal vul investir ils proxims 4 onns 2,2 milliardas francs per la protecziun dal clima, la biodiversitad e la protecziun da privels da natira. El ha surdà al parlament ses messadi per la perioda fin il 2028.

La gronda part dals daners duai vegnir impundì per la protecziun d'auas grondas, il guaud u era per implants da serenaziun. Ils meds vegnan mess a disposiziun en il rom da contracts tranter la Confederaziun ed ils chantuns. Quels duain garantir als chantuns ils daners necessaris per cuntanscher las finamiras.

Da las mesiras per proteger l'ambient na possian regiuns en l'entira Svizra betg mo profitar a moda ecologica, mabain er a moda economica e sociala, scriva il Cussegl federal. Uschia possian per exempel la tgira dal guaud, la revitalisaziun da las auas u la promoziun da territoris da protecziun da la natira chaschunar «in bainstar augmentà da l'uman».

Per tadlar: las novitads da las 12:00
ord RTR Audio dals 21.02.2024.

RTR novitads 12:00

Artitgels legids il pli savens