La situaziun actuala saja anc adina preoccupanta – surtut pervia da las infecziuns novas ed il virus mutà. Il Cussegl federal è dentant vegnì oz a la conclusiun che las mesiras dals 18 da december 2020 bastan.
Ils 6 da schaner 2021 veglia la regenza svizra puspè analisar la situaziun da nov, hai num en ina communicaziun.
La task force da la Confederaziun ha gia pliras giadas accentuà ch'i dovria mesiras pli rigurusas en il cumbat cunter il coronavirus.
Era la regenza grischuna ha communitgà oz da pli u main restar tar il status quo – cun tschertas schluccadas per la gastronomia en ils territoris da skis.
