Ozendi ston ins quintar cun fin a 20 onns enfin ch'in implant è projectà ed approvà. Cun las midadas da la lescha d'energia ch'il Cussegl federal propona en il messadi al parlament duai quai ir en l'avegnir pli spert tar implants d'interess naziunal.
Per implants d'energia solara e parcs da vent duajan ils chantuns prescriver ina procedura d'approvaziun dal plan concentrada. Il chantun da domicil duai lubir implants, engrondiments e renovaziuns ed era conceder lubientschas che las vischnancas concedan oz.
Ultra da quai propona il Cussegl federal ina via legala pli curta ed el vul restrenscher las pussaivladads da far recurs cunter projects d'implants d'energia solara, parcs da vent ed ovras idraulicas.
Sco proxim decida uss il parlament en chaussa.
