L’export d’apparats e software da spiunascha duai vegnir impedida era en l’avegnir. Quai cura ch’ins suppona, ch’ils apparats vegnian duvrads a moda abusiva. Il Cussegl naziunal ha approvà unanimamain la proposta dal Cussegl federal per stgaffir ina basa da lescha correspundenta.
I na va en quella fatschenta betg per material da guerra, ma per bains che pon vegnir duvrads per finamiras paschaivlas u per supprimer la populaziun. En la lescha duai uschia sulettamain vegnir francà ch'il Cussegl federal regla, cura refusar lubientschas d'export per martganzias che pon vegnir duvradas per survegliar l'internet e la telefonia mobila.
Il Cussegl dals chantuns sto anc decider en chaussa.
audio
Per tadlar: Las novitads da las 12:00
ord Novitads dals 03.03.2020.
Maletg: RTR
laschar ir. Durada: 5 minutas 23 Secundas.
RTR novitads 11:00
