En l'entira Svizra èn dapi il november 19'000 operaziuns planisadas vegnidas spustadas pervi da la segunda unda da la pandemia da Covid-19. Lezza ha purtà al limit las staziuns intensivas. Pir davent dals 10 da favrer pudess la situaziun tar ils letgs intensivs sa normalisar, scriva la taskforce da corona scientifica da la Confederaziun en in rapport.
Per regla sajan radund 600 pazients sin staziuns intensivas. Questa media è vegnida surpassada il november cun bunamain 900 pazients. Per dumagnar la pandemia mettan ospitals a disposiziun letgs supplementars betg certifitgads.
Ord l'archiv da 10vor10: