Siglir tar il cuntegn

Header

cuntegn

Dumonda reducida Dapli plaz en chasas da tgira e d'attempads

En chasas da tgira e d’attempads èn quest onn pli paucs letgs occupads. Ina giada dapli è la pandemia da corona la raschun persuenter. Ord tema da s'infectar cun il virus na sajan bleras persunas tuttina betg entradas u hajan spustà il termin. Consequentamain haja quai in'influenza sin l'occupaziun, ha la federaziun tetgala Curaviva ditg envers il Sonntagsblick.

Cuntrari a la demografia

En cifras saja l’occupaziun dals letgs en chasas d’attempads e da tgira sa reducida l’emprima mesadad da l’onn per 3%, sco la federaziun tetgala ha constatà suenter avair dumandà 400 chasas da tgira en Svizra. Uschè fitg na saja l'occupaziun anc mai sa reducida ils ultims onns.

Pervi da la demografia stuess il dumber da persunas che entra en ina chasa da tgira atgnamain crescher mintg'onn u restar tuttina, declera Peter Burri da la Pro Senectute a la gasetta. Tge che quest svilup muntia per ils servetschs da tgira, na possia la spitex il mument betg dir, scriva il Sonntagsblick vinavant.

Ord l'archiv

RTR Telesguard ha visità il cumenzament d'avrigl 2020 ina chasa da tgira. La contribuziun mussa las sfidas e la vita en la chasa da tgira.

video
La vita en chasa da tgira durant la crisa da corona
Or da Telesguard dals 03.04.2020.
laschar ir

Artitgels legids il pli savens

Scrollar a sanestra Scrollar a dretga