Stefan Engler e Martin Schmid èn reelegids. Il pli absolut da 22'000 vuschs n'è stà nagina sfida per ils cussegliers en uffizi. Il terz candidat, Hans Vetsch, n'ha gì nagina schanza. Sa participads a l'elecziun èn 38,9% dals electurs ed electuras.
Legenda:
RTR
La carta mussa co il suveran ha elegì tenor vischnanca e candidat.
Engler e Schmid – in duo dapi blers onns
Stefan Engler (AdC) e Martin Schmid (PLD) èn dapi il 2011 en il Cussegl dals chantuns per il Grischun. Dapi lura èn els vegnids reelegids cleramain il 2015 ed er il 2019. Quest onn ha candidà sper ils dus cussegliers en uffizi be anc l'architect da Grüsch Hans Vetsch.
