Tar il Secretariat da stadi per la migraziun SEM èn la fin da schaner 2023 bunamain 13'000 dumondas d’asil stadas pendentas – uschè bleras sco dapi tschintg onns betg pli. Quai rapporta il «SonntagsBlick».
Marcantamain dapli dumondas dapi la fin da la pandemia
Dapi il zercladur 2021 sajan las dumondas d’asil s’augmentadas marcantamain – sco il SEM ha confermà. Ordavant sajan las dumondas temporarmain sa reducidas pervi da la pandemia da corona. Tranter auter pervi da la guerra en l’Ucraina vegnian las capacitads dal SEM surpassadas constantamain.
I dovra dapli persunal
Er per ils proxims mais na tanschian las capacitads betg. Perquai veglia il Secretariat da stadi per la migraziun engaschar dapli persunal per dar dumogn a la situaziun. L’entir onn passà sajan vegnidas tschentadas radund 24’500 dumondas d’asil en Svizra – bunamain 9’600 dapli ch’anc l’onn avant.
