Dapi la guerra en l'Iran reageschan ils martgads d'energia gnervus. Il pretsch d'ieli è creschì – ed uschia er il pretsch dal carburant. En Svizra pajavan ins l'entschatta da l'onn per in liter benzin senza plum anc circa 1.65 francs, entant custa el en blers lieus 1.79 francs u dapli, per part schizunt passa 2 francs.
Stos Ti tancar regularmain e sa dumondas quant aut ch'ils pretschs creschan anc? Deplorablamain n'avain nagina resposta sin quai. Ma tge fissas pront per pajar?
Ils pretschs en survista:
Co pon ins spargnar sprit? Il TCS recumonda mesiras simplas: controllar regularmain la pressiun dals pneus, pigliar ora da l'auto pais nunnecessari e metter uschè baud sco pussaivel en il gir pli aut. Tgi che charrescha a moda attenta ed evitescha grondas acceleraziuns po tenor il TCS spargnar fin 30% carburant.
