Siglir tar il cuntegn

Header

cuntegn

Il parlament a Berna refusa Na a l'iniziativa davart tegnair animals en gronda quantitad

Il Cussegl dals chantuns recumonda da refusar l’iniziativa davart l'allevament intensiv. E na vul era betg ina cuntraproposta indirecta. El suonda uschia en omadus puncts al Cussegl naziunal.

Il Cussegl dals chantuns ha refusà l’iniziativa cun 32 cunter 8 vuschs, tar quatter abstenziuns. Cun 30 cunter 14 vuschs, e senza abstenziuns – ha il cussegl era refusà d’entrar en la cuntraproposta directa dal Cussegl federal.

L’iniziativa «Na a l'allevament intensiv en Svizra» vul scumandar la tegnida d’animals en gronda quantitad, e francar en la constituziun la dignitad dals animals en l’agricultura. Las novas reglas duain esser almain uschè strictas sco las directivas da Bio-Suisse dal 2018.

Er Na a la versiun dal Cussegl federal

Il Cussegl federal vuleva integrar elements centrals en ina cuntraproposta. Concret fiss quai stà stallas ed auters suttetgs favuraivels als animals, ch’ils animals possian sortir regularmain e da mazzar cun quità animals da niz. El aveva dentant desistì d’integrar las reglas da bio e regulaziuns davart imports.

Suenter ch'il parlament a Berna ha ditg Na a la cuntraproposta directa – decida il suveran svizzer a l'urna davart l'iniziativa.

RTR novitads 12:00

Artitgels legids il pli savens

Scrollar a sanestra Scrollar a dretga