Siglir tar il cuntegn

Header

cuntegn

Libra circulaziun da persunas Mesiras accumpagnantas han evità squitsch sin pajas svizras

L'immigraziun or dals pajais da l'UE e da l'EFTA n'haja betg augmentà signi-fitgantamain il squitsch sin las pajas indigenas ils ultims onns. Quai era grazia a las mesiras accumpagnantas che duajan proteger las pajas e las cundiziuns da lavur en Svizra. Quai scriva il SECO en ses rapport davart la libra circulaziun da persunas.

Tenor quest rapport èn l'onn passà bun 31'000 persunas da l'Europa immigradas en Svizra. Quai èn circa tuttina bleras sco l'onn passà e var la mesadad da las persunas immigradas l'onn da record 2013.

Tut en tut tira il Seco ina bilantscha positiva. L'immigraziun stettia en stretg connex cun la fiera da lavur da la Svizra. I na vegnia betg observà che Svizzers e Svizras vegnian sistematicamain remplazzads cun lavurers da l'exteriur. Anzi, ils esters cumpletteschian cun lur qualificaziuns la dumonda existenta e la quota d'activitad da gudogn saja en media pli auta che quella dals indigens.

Il rapport vegn ultra da quai a la conclusiun ch'il svilup da las pajas saja positiv, quai era grazia a las mesiras accumpagnantas sco er a las stentas per reducir la dischoccupaziun en Svizra e l'obligaziun d'annunziar plazzas libras. Quella obligaziun ch'i dat dapi bun in onn.

RR novitads 12:00

Artitgels legids il pli savens