Tar autas temperaturas la stad na duain las butias betg vegnir sfradentadas memia fitg. Quai recumonda la Federaziun dal commerzi en detagl Swiss Retail. Sias commembras duain uschia vinavant spargnar forza electrica. La directura da Swiss Retail, Dagmar Jenni, ha ditg en in’intervista cun la «NZZ am Sonntag» che la valur directiva duaja probablamain muntar a tranter 25 e 26 grads.
Migros e Coop betg commembers
Part da la federaziun fan tranter auter Manor, Aldi e Lidl. Ils detaglists Coop e Migros percunter betg. Sch’er els vegnian a suandar la recumandaziun, saja anc avert, scriva la gasetta da la dumengia vinavant.
Ord l'archiv
video
Strategia per energia regenerabla dal chantun
Or da Telesguard dals 12.04.2023.
laschar ir. Durada: 4 minutas 17 Secundas.
