Il svilup actual fetschia en general gronds quitads, sco la Pro Natura Grischun di. L'offensiva solara da la confederaziun haja provocà ina «atmosfera da chavar aur» problematica, din las uniuns per la protecziun da l'ambient.
Implants en territoris alpins na sajan betg necessaris. I possia vegnir producì avunda electricitad solara cun infrastructura existenta.
In zic pli conciliant vesa quai l'organisaziun Mountain Wilderness. Ins saja avert per implants en lieus che vegnan gia duvrads intensivamain dal turissem u tar lais da fermada, sco per exempel tar il project da Nalps en Tujetsch. Auters projects en il Vallais ch'èn planisads en territoris alpins selvadias sajan però in no-go.
