Siglir tar il cuntegn

Header

audio
Tadlar, tge che Cussegl naziunal e Cussegl dals chantuns han decidì
Or da Actualitad dals 01.10.2021.
laschar ir. Durada: 5 minutas 4 Secundas.
cuntegn

Parlament federal Quai è stà la sessiun d'atun

La sessiun d'autun è a fin. Tranter auter è vegnì decidì davart tematicas che pertutgan era il Grischun.

Tschains d'aua restan enfin 2030 sin livel dad oz

Per ils tschains d'aua vala actualmain il suandant: Ils concerns d'energia ston pajar als chantuns ed a las vischnancas concessiunarias per dastgar duvrar l'aua mintg'onn maximal 110 francs per kilowatt prestaziun brutta da lur ovras idraulicas. Per il Grischun munta quai entradas annualas da passa 120 milliuns francs.

Sanar hotels vegls

Hoteliers en regiuns da muntogna duain survegnir in sustegn finanzial da la Confederaziun – quai sch’els vulan sanar lur manaschis a moda energetica. Il parlament ha incumbensà il Cussegl federal dad elavurar in tal program.

Milliarda da coesiun cula

La Svizra po pajar l'import da coesiun pendent dad 1,3 milliardas francs a l’Uniun europeica. Suenter il Cussegl dals chantuns ha er il Cussegl naziunal ditg Gea – e quai senza cundiziuns. L'Uniun Europeica pretenda questa contribuziun sco cumpensaziun, perquai che la Svizra ha per part access al martgà naziunal da l'UE. En connex cun il vi e nà pervida la cunvegna da basa cun l'UE aveva il parlament bloccà las 1,3 milliardas francs.

Debatta davart AVS cuntinua

Auter ch'il Cussegl naziunal vul il Cussegl dals chantuns sustegnair pli fitg las dunnas ch'èn pertutgadas il pli ferm da la refurma da l'AVS e ston lura lavurar fin 65 onns. El vul er impunder dapli daners per quellas annadas transitoricas.

Export dad armas

Suenter il Cussegl dals chantuns ha era il Cussegl naziunal decidì da stritgar ina clausula d’excepziun per il Cussegl federal pertutgant l’export dad armas. Cun quai ademplescha il parlament per gronda part la pretaisa da l’iniziativa cunter l'export d’armas en pajais da guerra civila. 

Dapli da la politica federala – davant e davos las culissas pudais vus tadlar en il podcast «Café federal».

Podcast Café federal

Il podcast politic. In sguard davant e davos las culissas da la politica naziunala.

Ulteriurs audios e podcasts

Artitgels legids il pli savens