Siglir tar il cuntegn

Header

purtret da la polizia a la staziun da Son Gagl.
Legenda: Keystone
cuntegn

Partys illegalas Notg ruassaivla a Son Gagl

Malgrà divers appels da puspè sa rimnar a Son Gagl, n'hai dà questa notg nagins cravals. Tuttina hajan 90 persunas stuì vegnir tramessas davent da la citad.

En la citad da Son Gagl èsi stà ruassaivel la notg passada. Malgrà appels a violenza en las raits socialas, n’haja dà nagins cravals. Quai ha communitgà la polizia. Dentant haja ella tramess ord citad 90 persunas. Radund in terz da quellas persunas sajan stads minorens. Ils blers na vivian betg a Son Gagl, mabain sajan vegnids d’autras parts da la Svizra, er dal Grischun. Quellas persunas sajan vegnidas tramessas davent tranter la saira da las 18:00 e mesanotg.

Intginas persunas eran gia enconuschentas

40 persunas hajan ins prendì en per examinar pli da rudent ellas. Ellas hajan cuntrafatg a la supplica da bandunar la citad. Quellas eran vegnidas fatgas gia las fins d'emna avant. Ils blers da quels vivian en la citad da Son Gagl. Radund in tozzel da quels erian minorens e ils geniturs èn vegnids infurmads. Tar las controllas hajan ins chattà ina pistola d'alarm (quellas na sajettan betg cun muniziun normala), material per zuppar la fatscha e diversas drogas.

Er a Turitg e Winterthur saja stà ruassaivel, malgrà divers appels.

RTR novitads 06:00

Artitgels legids il pli savens

Scrollar a sanestra Scrollar a dretga