En l'equipa naziunala da las dunnas ha Livia Peng dapi il matg 2025 il status inuffizial sco numer 1. Dals ultims 13 gieus ha la golia da Cuira absolvì 12. Be en il gieu da test cunter Wales (2:3) l'entschatta december ha ella prendì plaz sin il banc. A l'Euro a chasa aveva Peng pudì persvader ed ha briglià surtut en il quartfinal cunter las campiunessas d'Europa da la Spagna (0:2).
Sche Peng dastga era star tranter las pitgas en ils gieus decisivs per la qualificaziun dal campiunadi mundial cunter la Tirchia als 14-04 a Turitg e 18-04 a Sinop, na sa ella dentant anc betg. Ella n'haja anc betg discurrì davart quai cun il trenader Rafel Navarro e la trenadra da goli Nadine Angerer, di la dunna da 24 onns.
Herzog cun la pli blera pratica da gieu
Dapi mesemna è la squadra naziunala da las dunnas puspè ensemen. L'entschatta ha fatg in trenament public sper il Letzigrund en las meglras cundiziuns exteriuras. Sper Peng èn vegnidas clamadas Navarro Elvira Herzog e Nadine Böhi – igl è il medem trio da golis sco tar il campiunadi europeic a chasa. Peng astga quintar cun bunas schanzas da pudair sa revegnir era cunter la Tirchia dal cumenzament. Las duas emprimas partidas da qualificaziun per il campiunadi mundial cunter l'Irlanda dal Nord (2:0) e Malta (4:1) cun peng en il gol èn vegnidas gudagnadas – era sche la golia da Chelsea n'ha betg pudì sa distinguer grondamain.
Ensemen cun Böhi ha Peng dentant in dischavantatg decisiv envers Herzog: la mancanza da la pratica da gieu. Entant che Herzog è tar RB Leipzig la clera numer 1 incontestada en la Bundesliga, na vegnan Böhi tar Union Berlin e Peng tar Chelsea strusch na en acziun. Böhi ha almain pudì giugar las ultimas duas partidas entiras da la Bundesliga – e cunter Werder Bremen (4:1) ha el mussà ina prestaziun excellenta.
Peng tar Chelsea cler numer 2
L'onn 2026 n'ha Peng percunter anc giugà nagin gieu per Chelsea. Ses ultim engaschament ha ella gì ils 21 da december en la cuppa cunter Liverpool (9:1). Dapi lura gioga la golia naziunal englais Hannah Hampton.
Las davosas emnas n'èsi betg adina stà simpel. Dentant hai jau emprova da vesair quai positiv. Jau sai che jau stoss avair pazienza. Igl è in grond siemi da mai dad esser il numer 1 tar Chelsea. Per quai trenesch jau mintga di.
Il factur «spass» metta Peng cleramain en il center. Era sch'il ritmus da giugar manca actualmain a la Grischuna, manegia ella: «Jau poss valitar fitg bain il ritmus mental e less simplamain avair plaschair, sche jau sun vi da giugar. Quai ma dat la motivaziun.»