Siglir tar il cuntegn

Header

cuntegn

Pendicularas Surselva Markus Good è il nov president

Sco successur da Maurus Tomaschett han las Pendicularas Surselva elegì Markus Good sco nov president. El è stà engaschà blers onns en la branscha, il davos sco manader tecnic da las pendicularas da Tavau-Claustra. A partir da l'october è Good er manader da fatschenta da las pendicularas Sursaissa. Era en suprastanza è vegnì elegì Beat Zenklusen da las pendicularas da Breil. El remplazza Josef Brunner.

Buna stagiun fin ils 14 da mars

Fin ils 14 da mars han las pendicularas da la Surselva gì in bun onn da fatschenta. Ma alura è il «lockdown» vegni ed uss mancan a las pendicularas fin a 20% da las entradas primaras.

L'abunament da l’uniun il «Surselvapass» è vegnì vendì meglier che l’onn passà. Uschia èn vegnids vendids 776 pass da la Surselva. Quai è bun 10% dapli che l’onn passà. La pli gronda part è vegnida vendida en il territori da skis da Sursaissa-Mundaun.

Per la stagiun da stad regia optimissem

Per la stagiun da stad sa mussan tuts fitg optimistics. Uschia saja da quintar cun bunas cifras era perquai che la populaziun svizra saja per gronda part sfurzada da far vacanzas en Svizra. Uschia possian vegnir rimnadas experientschas cun las mesiras da segirtad era per la stagiun d’enviern.

audio
Pendicularas Surselva: Co nizzegiar la stad e l'enviern?
ord Actualitad dals 10.06.2020.
laschar ir. Durada: 3 minutas 46 Secundas.

Ma alura vegnia la situaziun pli cumplitgada pertge l'enviern sajan era dapli persunas en las pendicularas ed en il territori da skis, accentueschan tant Silvio Schmid da las pendicularas dad Andermatt-Sedrun sco era Martin Hug da las pendicularas da Flem-Laax. Ma impurtant saja d’evitar ch’i dettia in ulteriur «lockdown» perquai che gliez na vegnia l’economia betg pli a surmuntar senza avair propi problems economics.

RTR novitads 17:00

Artitgels legids il pli savens