Siglir tar il cuntegn

Header

cuntegn

Pervi da la canera Tempo 30 en las citads svizras

En il territori d’urbanisaziun e sin vias principalas duai en l’avegnir valair «Tempo 30». Quai pretenda l’Uniun da las citads svizras en in nov palpiri da posiziun, sco la «NZZ am Sonntag» rapporta.

Concret na duaja betg pli esser necessari d’examinar mintga cas singul, sch’ina vischnanca veglia reducir la spertezza maximala da 50 kilometers l’ura sin in’axa da traffic principala. Da midar il paradigma saja necessari, perquai ch’adina dapli persunas vivian e lavurian per lung da questas axas. La canera nà da las vias saja malsanadaivla per la populaziun. En pli frainia ella il svilup urban, perquai che blers projects stoppian vegnir sistids pervi da recurs cunter la canera, vegn cità il president da l’Uniun da las citads svizras, Anders Stokholm da la PLD.

TCS ed uniun d'artisanadi e mastergn crititgeschan plans

Opposiziun cunter dapli zonas da «Tempo 30» datti dal TCS e da l’Uniun svizra d’artisanadi e mastergn.  Quai transferiss il traffic en ils quartiers – e quai na saja betg en il senn da las abitantas ed abitants, hai num da vart il Touring Club Svizra.

Or da l'archiv

video
Tempo 30 dapertut a Glion ha retard, in sbagl è capità
Or da Telesguard dals 10.12.2021.
laschar ir. Durada: 1 minuta 50 Secundas.

RTR novitads 10:00

Artitgels legids il pli savens

Scrollar a sanestra Scrollar a dretga