L’Uniun purila svizra pretenda dal Cussegl federal ina clera strategia. Quai en connex cun la «politica agrara 22 plus». Plinavant refusa l’uniun l’iniziativa per aua da baiver netta e l’iniziativa che vul scumandar pesticids. Omaduas iniziativas sajan memia radicalas. Quai ha communitgà l’Uniun purila svizra tar sia conferenza da medias annuala a Berna.
Il favrer preschenta il Cussegl federal ses messadi definitiv davart la «Politica agrara 22 Plus». Quella vul far d’ina vart far pli durabla l’agricultura svizra. Da l’autra vart vul ella drizzar or la politica agrara pli fitg sin il martgà.
Per l’uniun purila n’èn questas finamiras betg realisticas.
RTR novitads 12:00
