Siglir tar il cuntegn

Header

video
Svizra evacuescha ses burgais da l'Afganistan
Or da Tagesschau dals 20.08.2021.
laschar ir. Durada: 1 minuta 46 Secundas.
cuntegn

Politica d'asil Keller-Sutter defenda decisiun areguard fugitivs afgans

La Svizra na prenda per il mument betg si pli grondas gruppas da fugitivs da l'Afganistan. Quai ha annunzià il Cussegl federal quest’emna. En in’intervista cun las gasettas da la chasa editura «CH Media» ha la ministra da giustia Karin Keller-Sutter defendì questa decisiun. Actualmain na dettia nagina fugia da massa ord l’Afganistan. Er n’haja la Svizra insumma betg la pussaivladad da transportar fugitivs, u da simplamain uschia tscherner 10'000 persunas e sgular or quellas. Il pli impurtant saja per il mument d’evacuar ils agens burgais sco er collavuraturs locals cun lur famiglias – uschia la ministra da giustia.

Sut circumstanzas cuntinueschan ils Americans lur agid finanzial

Sche l’Afganistan possia er vinavant quintar cun agid finanzial dals Stadis Unids, dependia dal cumportament dals Talibans. Quai ha ditg il president american Joe Biden tar ina conferenza da medias en la Chas’alva. I vegnia a dar cundiziuns rigurusas, e surtut vegnia controllà sco ils Talibans tractian dunnas e mattatschas. Ensemen cun auters pajais vegnian ils Stadis Unids a far squitsch sin la milissa islamistica en quest connex – uschia Biden vinavant. L’Afganistan dependa ferm da daners da l’exteriur. Cun quests daners è la gronda part dals custs da la regenza vegnida finanziada.

RTR novitads 06:00

Artitgels legids il pli savens