L'onn 2023 han 15 dunnas, stan actual, stuì laschar la vita pervia da violenza a chasa en Svizra. La pli veglia aveva 79 onns, la pli giuvna 18 onns. Tut ils delicts èn succedids en il conturn familiar. E tuts en il lieu il pli privat. L'agen dachasa. Delicts da violenza familiara capitan mintga di. Violenza fisica e sexuala, ma er psichica. Louise Hill, oriundamain Englaisa, ha 20 onns vivì e cunzunt survivì ina lètg violenta.
Nus avain emprendì d'enconuscher en Frantscha. El era in um scharmant ed attractiv cun bler umor. Cun 23 er jau maridada.
Violenza cun bleras fatschas
Il vair caracter da l'ex-um da Louise Hill sa vegia dentant sa mussà cun il temp. La violenza aveva bleras fatschas. Violenza fisica e sexuala ma er psichica.
In eveniment zunt crudaivel era, cura che mes ex-um ha cumprà trais cruschs da fossa cun si ils nums da noss uffants.
Curaschi da bandunar
Suenter 20 onns lètg violenta ha Louise Hill pachetà il necessari, prendì al maun ils uffants ed è ida. Curt suenter ha l'um fatg suicid. Oz viva la scolasta primara a Lucerna. Ultra dal dar scola fa ella intginas prelecziuns da ses cudesch «Teufelskreis».
Jau vuless far speranza a dunnas che n'han betg anc chattà ina via or da la relaziun violenta. Na da betg sì!