Victimas da violenza sexuala, violenza a chasa e violenza pervi dal gender duain chattar pli svelt e simpel agid. Previs è in model cun centers da crisa, sco ch'i dat per exempel a Berna. Dapi 30 onns datti a Berna tals centers.
Il model che nus avain a Berna s’ha cumprovà.
Borner, ch'è cussegliadra e manadra substituta dal post che fa part al model da Berna e ch'è spezialisà sin agid per dunnas ed uffants. Ella beneventa ch'igl è previs d'integrar en il model era violenza domestica e violenza envers il gender.
Il model da Berna sa cumprovia cunquai che las persunas dals differents posts èn regularmain en contact: polizia, medischina e cussegliaziun, di Linda Borner. En sasez èsi la collavuraziun instituziunala ch'è il coc dal model.
Documentar violenza
Il grond avantatg dal model sco che Berna enconuscha è che tut vegn documentà. Tut las cumprovas che vegnan dal medi vegnan segiradas per 15 onns. La victima na sto perquai betg decider immediat sch'ella vul ir davant dretgira. Da far ina tala decisiun immediat suenter il delict è numnadamain fitg difficil. Uschia survegn quella sustegn dal post da cussegliaziun per decider tge pass ch'ins vul far e tgenin betg. In sistem per in center da crisas enconuschan dasper il chantun Berna era Genevra, Vad e Son Gagl.
