Siglir tar il cuntegn

Header

cuntegn

Retschertga online Cnap la mesadad è cuntenta cun mesiras da pandemia

Circa la mesadad da la populaziun è cuntenta cun las mesiras che la Svizra ha prendì encunter la pandemia da corona: La scienzia, il Cussegl federal e l'Uffizi federal per sanadad giaudan confidenza. Quai demussa ina retschertga da gfs.berna en collavuraziun cun Blick, Le Temps e Corriere del Ticino.

La disciplina da sa tegnair vid las reglas para era dad esser auta en Svizra, era sch'i dat resistenza: 15% ein sistematicamain critics vers las autoritads, la scienzia e las medias.

Fidanza en il Cussegl federal

La pli gronda critica hai dà quai che pertutga il donn economic. 43% èn da l'avis ch'ins haja donnegià l'economia memia ferm u plitost memia ferm. Cun 15% èn cleramain pli paucs da l'avis ch'il donn da sanadad è plitost memia grond. 49% han giuditgà la situaziun pertutgant spazi liber e restricziun sco equilibrà: 26% èn da l'avis ch'i ha dà memia bleras restricziuns e 25% memia bler spazi liber. 80% han fiduzia en il Cussegl federal, el è dentant betg nuncontestabel. Var mintga 5avla persuna ha s'exprimì critic.

Ed aunc insatge: Ina maioritad interpretescha la pandemia sco clom per ina vita pli moderada, per avair quità da la natira ed in signal encunter il stress dal mintgadi.

La retschertga online è vegnida fatga dals 22 fin ils 28 d'avrigl tar 25’323 persunas.

Ord l'archiv

video
Co vai cun Vus? – Grischunas e Grischuns sut il giuf dal coronavirus
Or da Cuntrasts dals 21.03.2020.
laschar ir

RTR novitads 09:00

Artitgels legids il pli savens

Scrollar a sanestra Scrollar a dretga