Las controllas èn vegnidas ordinadas pervia dad in accident mortal l'entschatta avust. Pervia dad ina porta defecta era in accumpagnader da tren vegni serrà en e stratg cun sai dal tren.
«Tar la segirezza na datti nagins cumpromiss»
Prest 2000 portas da passa 450 vaguns èn sin quai vegnidas controlladas. Il resultat: passa 570 mancos – 69 da quels relevants per la segirezza. Las portas cun defects sajan subito vegnidas reparadas, scriva la SBB. Ins veglia garantir la segirezza. Quella haja auta prioritad.
Pervia dals mancos chattads gia ordavant ha er reagì l’uffizi federal da traffic. Quel pretenda mesiras da la SBB. Uschia sto il concern tranter auter laschar controllar d'ina firma externa l'organisaziun ed ils process da mantegniment dals trens. Plinavant ston las Viafiers federalas laschar remplazzar il sistem da controlla da las portas da trens automaticas.
RR novitads 17:00