Durant la pandemia da corona èn s’augmentadas las offensiuns e smanatschas envers ils cussegliers federals ed ulteriurs commembers d’autoritads. Perquai è l’Uffizi federal da polizia (Fedpol) uss vegnì activ en plirs tozzels cas. Quai rapporta la «Sonntagszeitung». Surtut il minister da sanadad Alain Berset vegnia savens attatgà da sceptichers da corona – il pli savens en l’internet ed a moda anonima.
Cas per la Procura publica federala
En cas nua che cussegliers federals vegnian periclitads, surpiglia la Procura publica federala. Actualmain sajan en quest connex tschintg proceduras penalas avertas. Quai ha confermà la procura publica envers la gasetta.
Las investigaziuns na sajan anc betg terminadas. Perquai na dettia anc nagins mandats penals.
Ord l'archiv
video
Snegaders da corona durant ina demonstraziun
Or da News-Clip dals 09.09.2020.
laschar ir. Durada: 39 Secundas.
