Siglir tar il cuntegn

Header

cuntegn

Scienza Aspectativa da vita sa meglierescha suenter pandemia

L'aspectativa da vita da Svizras e Svizzers era sa pegiurada pervi da la pandemia da corona, l'onn 2020. Entant ha ella dentant puspè cuntanschì il nivel d'avant la pandemia, scriva il Max-Planck-Institut per scienza demografica en Germania.

Be en intgins pajais en l'Europa dal vest saja la ristga da murir – a la quala la populaziun è exponida durant in onn – puspè sa stabilisada sin il nivel d'avant la pandemia. Quai vala per la Frantscha, la Belgia, la Svizra e la Svezia. Guardà mundialmain, na saja l'aspectativa da vita anc betg sa revegnida suenter la rata da mortalitad pli auta dal 2020. Il mument sajan las differenzas tranter ils pajais vegnidas pli grondas.

Dapi ils onns 1950, sajan las perditas vi da l'aspectativa da vita entras undas d'epidemia da la grippa, stadas marcantamain pli pitschnas ch'entras la pandemia da Covid-19. Il coronavirus haja chaschunà ina da las pli fermas crisas da mortalitad mundiala dals davos 100 onns.

Max-Planck-Institut

Avrir la box Serrar la box

In team enturn Jonas Schöley, in scienzià al Max-Planck-Institut per perscrutaziun demografica a Rostock, han examinà las midadas tar l'aspectativa da vita per 29 pajais ed han publitgà lur resultats en la publicaziun «Nature Human Behaviour».

audio
Per tadlar: curt e cumpact
ord RTR Audio dals 20.10.2022.
laschar ir. Durada: 51 Secundas.

RTR novitads 09:00

Artitgels legids il pli savens