Siglir tar il cuntegn

Header

cuntegn

Seria d'incendis intenziunads En il chantun Soloturn brischi mintga fin d'emna

En il chantun Soloturn cuntinuescha ina seria d’incendis en la regiun Wasseramt. Dapi l’entschatta d’avrigl hai mintgamai brischà otg giadas. La notg passada èn ils incendis 9 e 10 vegnids vitiers. Pertutgads sajan questa giada stads in magasin ed ina scrinaria en la vischnanca da Obergerlafingen datiers da Kriegstetten. Quai ha communitgà la Polizia chantunala sin dumonda da Radio SRF.

Mess fieu cun intenziun?

Ils dus incendis sajan be capitads paucs tschient meters in da l’auter. Persunas na sajan betg vegnidas blessadas. Davart la raschun dals dus incendis actuals n’ha la polizia anc fatg naginas indicaziuns. En connex cun ils ulteriurs cas discurra ella dad incendis intenziunads.

Ord l'archiv

video
Fieu mess probablamain intenziunadamain
Or da Actualitad video dals 13.01.2019.
abspielen. Laufzeit 1 minuta 9 Sekunden.

RTR novitads 09:00

Artitgels legids il pli savens

Scrollar a sanestra Scrollar a dretga