Siglir tar il cuntegn

Header

cuntegn

Sessiun extraordinaria Applaus per Cussegl federal

Cun in curt applaus ha il Cussegl dals chantuns engrazià al Cussegl federal per sia lavur en connex cun la pandemia da corona. Las mesiras ch'ins haja decidì hajan mussà effect, ha ditg il president dal Cussegl dals chantuns Hans Stöckli a l'entschatta da la sessiun extraordinaria. Il Cussegl federal e l'administraziun hajan surpiglià responsabladad ed hajan prendì impurtantas decisiuns sut squitsch da temp. Ma uss saja puspè pensum dal parlament da prender vair sia incumbensa.

Inoltrà duas petiziuns

A l'entschatta da la sessiun extraordinaria dal cussegl naziunal e cussegl dals chantuns a Berna èn vegnidas inoltradas duas petiziuns.

L'emprima, suttascritta da radund 53'000 persunas pretenda che la nov'entschatta suenter il corona-lockdown duai esser pli persistenta, pli umana ed adattada als basegns locals. Lantschà questa petiziun han persunas privatas.

La segunda petiziun cun 22'000 suttascripziuns, pretenda dapli protecziun dal clima. Lantschà quella ha l'organisaziun per l'ambient Greenpeace.

audio
Per tadlar: Las novitads da las 17:00 uras
ord Novitads dals 04.05.2020. Maletg: Grafica RTR
laschar ir. Durada: 7 minutas 28 Secundas.

RTR novitads 17:00

Artitgels legids il pli savens