Siglir tar il cuntegn

Header

video
Patrick Mathys: «I dat nivels nairs al horizont»
Or da News-Clip dals 19.10.2021.
laschar ir. Durada: 49 Secundas.
cuntegn

Situaziun actuala Patrick Mathys: «I dat nivels nairs al horizont»

Ils experts e las expertas da la Confederaziun vesan en connex cun il svilup da la pandemia ina midada da trend en il senn negativ. Quai pertutgia las infecziuns novas, las entradas en l'ospital ed il dumber da mortoris en connex cun corona. Surtut en il chantuns cun ina quota da vaccinaziun bassa dettia dapli infecziuns novas, uschia Patrick Mathys da l'Uffizi federal da sanadad. Pervida questa midada da trend en singuls chantuns, cumbinà cun la scola che cumenza puspè, e l'aura fraida, stoppian dapli persunas sa laschar vaccinar. Uschiglio saja pussaivel ch'il sistem da sanadad saja surchargià.

Long Covid pertutga mintga tschintgavel

Tenor las retschertgas las pli novas en connex cun las consequenzas a lunga vista dal coronavirus mussan che mintga tschintgavla persuna creschida che ha gì sintoms suenter ina infecziun cun corona è pertutgada da Long Covid. Tar ils uffants han trais pertschient dals infectads questa malsogna, quai han ditg ils experts e las expertas avant las medias a Berna. En connex cun Long Covid dettia anc adina in grond dumber da sintoms e differents svilups da la malsogna.

RTR novitads 17:00

Artitgels legids il pli savens