Siglir tar il cuntegn

Header

cuntegn

Studi davart tempo 30 Schizunt als citadins è tempo 30 memia plaun

Schizunt las abitantas ed ils abitants da citads verd-sanestras èn cunter l’introducziun generala da tempo 30 entaifer las citads. Quai demussia ina retschertga represchentativa ch’il TCS ha fatg en diesch citads, sco la «NZZ am Sonntag» scriva. Tenor quai sajan 66% da las persunas dumandadas cunter ina tala introducziun. Sulettamain en la citad da Lugano saja ina maioritad pitschna persuenter.

Tenor il president dal Touring Club Svizra, Peter Goetschi, propagheschian tschertas citads tempo 30 sco med universal ed ignoreschian uschia l’opinion d’ina maioritad da la populaziun. La gronda part dals dumandads tema che la reducziun dal tempo sin las vias principalas pudess ralentar ils servetschs da salvament ed il traffic public.

L’Uniun da las citads svizras crititgescha la retschertga dal TCS. Quella saja subjectiva ed unilaterala.

Traffic public na vegn strusch impedì tenor studi dal VCS

Il traffic public en las citads na vegn strusch impedì da las zonas da tempo 30. A questa conclusiun vegn in studi per incumbensa dal VCS, l'Associaziun da traffic ed ambient. Tenor quest studi na curseschian bus e trams betg bler pli plaun che tar tempo 50. Sin 100 meters vegnan quintads 1,5 secundas dapli temp da viadi cun tempo 30. Quai valia surtut en zonas fitg populadas e da temp da grond traffic, precisescha il studi. I saja be ina chaussa da secundas.

Ord l'archiv

video
Tempo 30 dapertut a Glion ha retard, in sbagl è capità
Or da Telesguard dals 10.12.2021.
laschar ir. Durada: 1 minuta 50 Secundas.

RTR novitads 09:00

Artitgels legids il pli savens