La Svizra adattescha las infurmaziuns da viadi per ils Stadis Unids suenter l'attatga sin il capitol a Washington cun plirs morts. Uschia saja d'evitar occurrenzas da massa e manifestaziuns en mintga furma, hai num sin la homepage dal Departament federal per affars da l'exteriur. El avertescha d'ulteriuras revoltas en la chapitala Washington. Da principi saja da suandar las instrucziuns da las autoritads localas en cas da scumonds da sortida.
Il pajais saja stabil. Tenor il directur dal FBI, Christopher Wray, planiseschian radund 200 persunas suspectadas sumegliantas acziuns sco tar l'attatga sin il capitol.
