In tal pass pudessi esser il resultat dal dialog politic, ha ditg il minister da l’exteriur en ina intervista cun la «SonntagsZeitung». Vegnissi uschè lunsch, stoppia la Svizra declerar davent da l’entschatta tge che saja pussaivel e tge betg.
Las premissas stoppian esser bler pli cleras, cumpareglià cun las tractativas passadas davart la cunvegna da basa. Uschiglio ristgia la Svizra ina nova cunvegna che n’haja politicamain nagina schanza. D’entrar en l’Uniun europeica saja ils proxims onns betg realistic, ha agiuntà Ignazio Cassis en l’intervista.
Collavurar tar singuls puncts
Tant la Svizra sco era l’UE hajan interess da collavurar, uschia per cumbatter la pandemia. Ultra da quai saja la Svizra in dals pli impurtants lieus per la perscrutaziun. Omaduas varts sajan interessadas da cuntinuar la collavuraziun, manegia Cassis en l’intervista.
