En la Svizra franzosa è la populaziun damain pronta da sa laschar vaccinar cunter Covid-19 ch’en la Svizra tudestga. Quai rapporta il «Sonntagsblick». Tenor ina retschertga represchentativa da l’institut «Link» cun milli participants vulan be 23% dals Romands dumandads survegnir la vaccinaziun. En la Svizra tudestga èn quai 43% dals dumandads.
Midar concept da vaccinar
Ultra da quai saja in terz dals Romands da l’avis ch’ins stuess sco emprim vaccinar la part da la populaziun che lavuria e che saja mobila, entant che las persunas sur 65 duessan evitar tut ils contacts ed er il traffic public. En la Svizra tudestga fruntia in tal concept dentant sin pauc acceptanza, uschia ils auturs da la retschertga.
Ord l'archiv
video
Las vaccinaziuns cunter corona cumenzan en Svizra
Or da Tagesschau dals 23.12.2020.
laschar ir. Durada: 5 minutas 28 Secundas.
