Siglir tar il cuntegn

Header

cuntegn

Vallais Triep da lufs duai vegnir regulà

Per in nov triep da lufs vul il chantun Vallais ina lubientscha da sajettar da la Confederaziun. En la regiun da la Val d'Hérens èn 11 nursas protegidas vegnidas stgarpadas ils davos quatter mais. Fin uss aveva l'uffizi chantunal sulet identifitgà il pèr da lufs, ch'era activ en questa regiun. Pèrs giaudan protecziun federala. Ussa mussan fotos ch'igl ha dà nov lufs giuvens.

Temp fin la fin da mars

Sche la dumonda vegn approvada da la Confederaziun, haja la surveglianza da chatscha temp da regular il triep enfin la fin da mars. Sajettar pon ins lura la mesadad dals giuvens ch'èn naschids durant quest onn.

L'entschatta da l'emna ha era il chantun Vad dumandà Berna d'astgar sajettar dus lufs giuvens. Là hai dà pliras attatgas sin biestga. Il chantun vesa che las cundiziuns per sajettar dus dals lufs giuvens dal triep da Marchairuz sajan dadas.

RTR novitads 15:00

Artitgels legids il pli savens

Scrollar a sanestra Scrollar a dretga