En bun set emnas votescha la Svizra davart il «conclus federal davart las taglias immobigliaras chantunalas sin abitaziuns secundaras» (stritgar la valur da l'atgna locaziun). Tar in Gea a la proposta vegniss la valur da l'atgna locaziun stritgada, persuenter na pudess ins betg pli deducir ils tschains da debits ed ils custs da mantegniment da las entradas.
E sco segund project vegn votà sur da la «Lescha federala davart la cumprova electronica da l'identitad ed auters meds da cumprova electronics». Il pievel aveva il 2021 refusà ina e-ID, perquai che purschiders privats avessan creà quella. En la nova proposta restan las datas tar la Confederaziun. La e-ID vegn arcunada sin il telefonin en ina «bursa» speziala. Era quella metta la Confederaziun a disposiziun.
RTR e la SRG SSR vulan savair: Co votais Vus e pertge? Tge temas occupan Vus? As participai a la retschertga avant las votaziuns che l'institut Gfs Berna fa per incumbensa da la SRG SSR.
Qua chattais las dumondas
As participar pudais Vus anonim. Las respostas vegnan tractadas a moda confidenziala. Ils resultats vegnan publitgads ils 22 d'avust.