Legenda: Grafica RTRElecziuns communalas
Oz decidan trais vischnancas tgi che stat al timun. A Tavau va la cursa per il landamma en la segunda runda. En il segund scrutini vegn decis tranter il liberaldemocrat Peter Engler u il socialdemocrat Philipp Wilhelm. Plinavant elegian era Samedan e Puntraschigna ina nova presidenta u in nov president.
Legenda: Grafica RTRVotaziuns communalas
En pliras vischnancas vegn oz votà: San Murezzan vul reveder cumplettamain la constituziun communala. La vischnanca da Mustér decida davart ina nova via forestala per 3,9 milliuns francs. La chapitala grischuna decida gist davart quatter fatschentas, tranter auter sche la lescha da polizia duai vegnir schluccada. Ed a Tujetsch sa fatschenta cun la dumonda: Cussegl da vischnanca ubain radunanza communala?
Legenda: KeystoneIniziativa cunter affars cun material da guerra
Il suveran svizzer decida sche daners svizzers duain en il futur betg pli vegnir investids per finanziar material da guerra. Tar in gea a l'iniziativa na dastgan interpresas che produceschan material da guerra betg pli survegnir daners da la Banca naziunala Svizra, l'AVS u da cassas da pensiun. Il Cussegl federal ha recumandà da refusar l'iniziativa.
Legenda: KeystoneIniziativa per concerns responsabels
Duajan concerns surpigliar responsabladad er en l'exteriur? Quai decida la populaziun svizra a l'urna. L'iniziativa per concerns responsabels vul obligar concerns cun sedia en Svizra da respectar ils dretgs umans e la protecziun da l'ambient. Il Cussegl federal ha recumandà da refusar l'iniziativa.
RTR tegna sin il current davart decisiuns communalas e federalas:
- Sin www.rtr.ch chattais tut ils resultats, graficas ed analisas
- Decisiuns impurtantas porscha era social media cun #votaziuns
- Las novitads al radio rapportan mintg'ura dal pli actual
- Reacziuns ed analisas pudais tadlar en emissiuns spezialas al radio las 12:00 - 12:30 e las 16:00 - 18:00
- Il Telesguard resumescha il pli impurtant las 17:40 sin SRF 1
