Siglir tar il cuntegn

Header

audio
Lufs Beverin: Chantun dastga sajettar 3 giuvens
Or da Actualitad dals 06.09.2021.
laschar ir. Durada: 02:39 minutas.
cuntegn

Triep dal Beverin Chantun dastga sajettar trais giuvens – betg il bab

L'Uffizi federal d'ambient ha dà al chantun la lubientscha da regular il triep dal Beverin. Raschun è ch'igl ha dà trais inscunters tranter persunas e lufs e ch'igl ha dà plirs stgarps da nursas malgrà mesiras da protecziun. Mario Cavigelli, ch'è il parsura dal Departament per infrastuctura, energia e mobilitad, ha dà il cumond da sajettar trais dals lufs giuvens dal triep.

video
Trais lufs giuvens dal triep da Beverin dastgan vegnir sajettads
Or da Telesguard dals 06.09.2021.
laschar ir

Ils giuvens bain – il bab na

Il Grischun aveva dumandà da sajettar er il bab dal triep dal Beverin. La Confederaziun na vesa là dentant betg che las premissas sajan dadas. Ils lufs giuvens dentant duai il chantun regular.

Sco la regenza scriva, saja l'Uffizi da chatscha e pestga sa preparà durant las ultimas emnas per quest pass. Ils survegliaders da chatscha han l'incumbensa da sajettar il luf. Planisà è da reagir svelt. Ins veglia sche pussibel tutgar ils animals durant ch'els èn en il triep, per che l'effect spaventia er ils ulteriurs lufs. Temp han els fin il mars.

Gia crudà si negativ

Il triep dal Beverin è gia crudà si negativ. Da muntaneras protegidas ha il triep stgarpà animals da niz. Er l'onn passà hai dà incaps, ils lufs han stgarpà in asen ed in vadè e sin la Stutzalp sur Spleia ha il triep stgarpà in grond dumber da nursas protegidas.

RTR novitad 10:00

Artitgels legids il pli savens

Scrollar a sanestra Scrollar a dretga