Che daners na fan betg vegnir ventiraivel è ina da quellas remartgas spiertusas che para a blera glieud, che na sa betg co pajar ses quints, insumma betg spiertusa. Savens vegn respundida quella dumonda cun: gea, magari betg, ma daners san quietar. Quai raquinta er l’administratur da facultad Damian Gliott en il discurs cun la «Vita e cretta»: «Gea, sch’ins ha la pussaivladad finanziala, han ins segir pli simpel, che sch’ins sto adina far quitads: Dastg jau uss far quai, sai jau uss ma lubir da far quai? Gea, lura han ins segir in auter pensar. Quai è segir er ina part che gida dad esser ventiraivel.»
En sias respostas maina Gliott dentant anc enavant l'artg – enfin a la ventira dad esser naschì en Svizra: «Cun nus vai bain. Nus vivain finanzialmain uschia, che nus na stuain betg far quitads da quai che succeda il proxim di. Er sch’igl è uschia in simpel pled, ma il davos, sche la sanadad constat, lura constat crai la pli gronda part da la vita co che nus dastgain viver en Svizra.»
En sias respostas maina Gliott dentant anc enavant l'artg – enfin a la ventira dad esser naschì en Svizra: «Cun nus vai bain. Nus vivain finanzialmain uschia, che nus na stuain betg far quitads da quai che succeda il proxim di. Er sch’igl è uschia in simpel pled, ma il davos, sche la sanadad constat, lura constat crai la pli gronda part da la vita co che nus dastgain viver en Svizra.»
